Nieuws

De tweede daag zit d’r alweer op veur de Erpelkes. Om 14.00 oer ginge de deure aope en de sjfeer zoot der al sjnel goot in. ‘t Prinsepaar haet bezeuk gekrege van Hopsjlokkers Prins Flor II, Fobmötse Prins Remco I, Bacchus JVC I, Vader Aar Eric en Mulder Marc. Sjoon det geer der allemaol waar!

Weit geur waat morge op het programma sjteit? DOE, doe sjteis morge op ut programma, vinjs dich ut leuk om ein denske te doon, ein leedje te playbacke, ein mop te vertelle of mesjien kens dich waal eine salto gecombineerd met eine flik-flak en unne koprol achteroet? Gaef dich op en ’t podium is veur dich. Opgaeve ken biej de DJ’s of ein van de besjtuurslaeje.

Miesjke kömp ouch nog nao de Mert veur ein sjoon optraeje!

Same mit de Prins en Prinses gaon veur vandaag door toet ongeveer 21.00 oer.

De eerste daag zit d’r alweer op, ’t waar ein druk pregram veur òs prinsepaar Prins Pim en Prinses Lynn.

As eerste zeen ze nao Basissjool de Octopus gewaes, daornao nao Basissjool Lambertus. Ôm 1 oer höbbe ze same mit alle anger veurgengers van de Zjwamer vastelaovend de vlag gehese.

Nao eine lekkere lunch ginge daornao de deure van ’t Erpelkes pelies aope om 15.30 oer. Dao waerde flink gefees! ’t Zjwamer Boerebroedspaar, ôzze eige Leon en Anja, kwame ouch nog op bezeuk!

Òs prinsepaar geit morgevreug nao’t sjtadhoes in Remunj veur de sjleuteleuverdrach. Ôm 14.00 oer gaon de deure van ’t Erpelkes pelies weer aope. Omdet der gein vastelaovesmès is gaon veer tot 19.30 oer door. Om 20.30 oer begint veur volwassene de Erpelkes Revival aovend mit de Jengels Bengels Bend.

In ein vol Erpelkes Pelies zeen zaoterdig Prins Pim en Prinses Lynn oetgeroope als Erpelkes Prinsepaar 2018, onger ’t motto “Erpelkes Straole!” gaon zie de Zjwamer kinjervastelaovend veur.

Nao ’t oetroope waar ’t tied veur ein sjoon optraeje van Big Benny. ’t Ganse Erpelkes Pelies sjting ôppe kop!

De zaal ging auch ôppe kop mit ’t eige leedje van os Prinsepaar. Det kint geer hiej downloade of beloestere:

Veer winse Prins Pim en Prinses Lynn veul plezeer en eine sjone tied!

Wilt geer in 2018 biej de Raod van Ellef? Sjtuur dan ein berich nao de Erpelkes via “Contact” en loat òs weite wie gaer des doe der biej wils zeen!

Foto’s van ’t oetroope sjtaon in ’t Fotoalbum. Veer bedanke Rob Polmans veur de foto’s!

Erpelkes_20-01-2018_014.jpg

De Erpelkes höbbe auch eine nuuje Vors. Vors Jule, veurig jaor nog Prinses Jule, numt ’t sjtekske euver van Vors Bastiaan en vormt same mit Vors Fenna ’t Vorstepaar van de Erpelkes in 2018. De Erpelkes bedanke Bastiaan en winse Vors Fenna en Vors Jule same vöäl plezeer!

Eindelik is ’t zowiet, ’t oetroope van ôzze nuuje Prins en Prinses. Zaoterdig 20 jannewarie is ’t weer fees in de Mert in Zjwame. De zaal geit aope om 14.00 oer.

Om 15.11 oer waeerd os nuuje prinsepaar aan uch veurgesjteld. Daornao gif ôzze Remunjse vrundj BIG BENNY nog ein sjoon optraeje! Om ongeveer 18.00 oer sjloete veur weer aaf en den is ’t weer wachte op de vastelaovindj.

Dit jaor viere de Erpelkes vastelaovindj onger et motto “Erpelkes Straole!”

Wilt geer mit de vasteaovindj de Erpelkes ongersjteune als vriejwilliger? Meld uch dan aan via erpelkeszjwame@hotmail.com of de Erpelkes Facebook!

Tot zaoterdig 20 jannewarie in de Mert in Zjwame!!!

Jonges en maedjes gaef uch auch dit jaor weer op veur ôzze talente show “Sjpektakel ôppe bühne” op zonjig 11 febberwarie os Erpelkespelies. Wilt geur allein of mit eine groep? Det kint allemaol! Kint geur zinge, danse of höb geer ein anger leuk kunsje waat geur kint gaef uch dan op.

Ozze prins en prinses gaeve nao de shows drie sjoon prieze weg dus zorg det se de beste en sjoonste bis!

Opgaeve kint via Facebook, e-mail (erpelkeszjwame@hotmail.com) of biej ein van de besjtuursleeje!

‘T zit der weer op, 4 daag Erpelkes onger ’t motto “Erpele sjale gooj se neet weg!”. Nao eine sjone optoch en ein gaaf optraeje van de Toddezèk waar ’t maondig aovend toch ech tied veur ’t aftraeje van ôs eige Prinsepaar Prins Joey en Prinses Jule.

Gaer wille veer as Erpelkes alle vriejwilligers, sjponsore en neet te vergaete Café-Zaal de Mert bedanke veur heure inzet dit jaor. Veer haope det veer ’t volgend jaor weer opnuuj op uch moge raekene!

Bekiek alle foto’s van 2017 in ôs foto album op deze website.

Tot volgend jaor allemaol!!!

De eerste daag zit d’r alweer op, ’t waar ein druk pregram veur òs prinsepaar Prins Joey en Prinses Jule.

As eerste zeen ze nao Basissjool de Octopus gewaes, daornao nao Basissjool Lambertus en nao de Kiekeboe. Ôm 1 oer höbbe ze same mit alle anger veurgengers van de Zjwamer vastelaovend de vlag gehese.

Nao eine lekkere lunch ginge daornao de deure van ’t Erpelkes pelies aope om 15.30 oer. Dao waerde flink gefees en haet Miesjke nog ein sjoon optraeje gegaeve. ‘t Prinsepaar haet auch nog bezeuk gekrege van Hopsjlokkers Prins Sjriek II, Fobmötse Prinses Aukje I, ’t Zjwamer Boerebroedspaar Maud en Ruud, Bacchus Jansse I en Mulder Joop. Sjoon det geer der allemaol waar!

Òs prinsepaar geit morgevreug nao’t sjtadhoes in Remunj veur de sjleuteleuverdrach. Ôm 14.00 oer gaon de deure van ’t Erpelkes pelies weer aope. Omdet der gein vastelaovesmès is gaon veer tot 20.00 oer door. Om 20.30 oer begint veur volwassene de Erpelkes Revival aovend mit de Jengels Bengels Bend.

In ein vol Erpelkes Pelies zeen zaoterdig Prins Joey en Prinses Jule oetgeroope als Erpelkes Prinsepaar 2017, onger ’t motto “Erpele sjale gooj se neet weg!” gaon zie de Zjwamer kinjervastelaovend veur.

De Erpelkes höbbe auch eine nuuje Vors of baeter gezag ein nuuj Vorstepaar! Nao in 2016 de Erpelkes te zeen veurgegaon als Prins en Prinses zeen Bastiaan en Fenna in 2017 Vorstepaar. In die hoedanigheid höbbe ze op ein sjone meneer ’t nuuje Prinsepaar oetgeroope.

Nao ’t oetroope waar ’t tied veur ein sjoon optraeje van de Shakin’ DJ’s. ’t Ganse Erpelks sjting ôppe kop!

De zaal ging auch ôppe kop mit ’t eige leedje van os Prinsepaar. Det kint geer hiej downloade of beloestere:

Veer winse Prins Joey en Prinses Jule veul plezeer en eine sjone tied!

Wilt geer in 2017 biej de Raod van Ellef? Sjtuur dan ein berich nao de Erpelkes via “Contact” en loat òs weite wie gaer des doe der biej wils zeen!

Foto’s van ’t oetroope sjtaon in ’t Fotoalbum. Veer bedanke Rob Polmans veur de foto’s!

Erpelkes Zjwame 2017

Eindelik is ’t zowiet, ’t oetroope van ôzze nuuje Prins en Prinses. Zaoterdig 4 fibberwarie is ’t weer fees in de Mert in Zjwame. De zaal geit aope om 14.00 oer.

Let op, 1 oer eerder dan anger jaore, om 15.11 oer waerd os nuuje prinsepaar aan uch veurgesjteld. Dit höbbe veer gedaon om genog tied te höbbe veur de super artieste van dae daag: de SHAKIN’ DJ’S! Om ongeveer 18.00 oer sjloete veur weer aaf en den is ’t weer wachte op de vastelaovindj.

Dit jaor viere de Erpelkes vastelaovindj onger et motto “Erpele sjaale goojs se neet weg!”.

Biej det motto heure natuurlijk ôzze sjoone nuuje sjale van de Erpelkes.

De sjaale kost maar € 7.50 en zeen te besjtelle via de Erpelkes Facebook, tiejes ’t oetroope of mit de vastelaovindj.

Tot zaoterdig 4 fibberwarie in de Mert in Zjwame!!!

Jonges en maedjes gaef uch auch dit jaor weer op veur ôzze talente show “Sjpektakel ôppe bühne” op zonjig 26 febberwarie os Erpelkespelies. Wilt geur allein of mit eine groep? Det kint allemaol! Kint geur zinge, danse of höb geer ein anger leuk kunsje waat geur kint gaef uch dan op.

Ozze prins en prinses gaeve nao de shows drie sjoon prieze weg dus zorg det se de beste en sjoonste bis!

Opgaeve kint via Facebook, e-mail (erpelkeszjwame@hotmail.com) of biej ein van de besjtuursleeje!