Maandelijks archief: februari 2016

‘T zit der weer op, 4 daag Erpelkes onger ’t motto “Erpelkes Oppe Kop”. Ondanks det de optoch neet door ging waar auch maondig eine sjone daag mit ôs eige Prinsepaar Prins Bastiaan en Prinses Fenna.

Gaer wille veer as Erpelkes alle vriejwilligers, sjponsore en neet te vergaete Café-Zaal de Mert bedanke veur heure inzet dit jaor. Veer haope det veer ’t volgend jaor weer opnuuj op uch moge raekene!

Bekiek alle foto’s van 2016 in ôs foto album op deze website.

Tot volgend jaor allemaol!!!

Terwiel boete ’t Mertsjpektakel aan de gang waar haaje de Erpelkes binne heur eige fees mit de Erpelkes Talentejach. Der waerde sjoon denskes gedoan en prachtige leedjes gezonge. Oet de 10 acts waerde de Top 3 oetgekaoze door de jury en die krege allemaol eine sjone pries.

Ôzze kammeraod oet Remunj Big Benny verzorgde nog ein sjoon verassingsoptraeje en dao mit waar ’t fees kompleet.

Helaas geit de Grote Zjwamer Optoch Zondig neet door, maar de Erpelkes natuurlijk waal. Köms du auch?!?

Sjoon foto’s van ’t Erpelkes-bal en de Talentejach gemaak door Dennis Rutjens kint ger bekiekedoor hiej op te klikke!

De tweede daag zit d’r alweer op veur de Erpelkes. Om 14.00 oer ginge de deure aope en de sjfeer zoot der al sjnel goot in. Nao same mit onger angere de Hopjlokkers flink gefees te höbbe waar ’t om 19.oo oer tied veur de Vastelaovesmis in de Lambertuskerk.

Sjoon foto’s van ’t Erpelkes-bal en de Vastelaovesmis gemaak door Dennis Rutjens kint ger bekiekedoor hiej op te klikke!

De eerste daag zit d’r alweer op, ’t waar ein druk pregram veur òs prinsepaar Prins Bastiaan en Prinses Fenna.

As eerste zeen ze nao Basissjool de Octopus gewaes, daornao nao Basissjool Lambertus en nao de Kiekeboe. Ôm 1 oer höbbe ze same mit alle anger veurgengers van de Zjwamer vastelaovend de vlag gehese.

Nao eine lekkere lunch ginge daornao de deure van ’t Erpelkes pelies aope om 15.30 oer. Dao waerde flink gefees en haet Miesjke nog ein sjoon optraeje gegaeve. ‘t Prinsepaar haet auch nog bezeuk gekrege van Hopsjlokkers Prins Luc III, Fobmötse Prinses Eefke I, ’t Zjwamer Boerebroedspaar Lotte en Niek en Prins Thijs I van de Kwekkerte van oppe Boekoel.

Òs prinsepaar geit morgevreug nao’t sjtadhoes in Remunj veur de sjleuteleuverdrach. Ôm 14.00 oer gaon de deure van ’t Erpelkes pelies weer aope. Tot 18.30 oer, dan gaon veer nao de vastelaovesmès. Om 20.30 oer begint veur volwassene de Erpelkes Revival aovend mit de Jengels Bengels Bend.

Sjoon foto’s van gister gemaak door Dennis Rutjens kint ger bekiekedoor hiej op te klikke!