Maandelijks archief: januari 2016

Prins Bastiaan en Prinses Fenna höbbe dit jaor ein kei cool vastelaovinjds liedje veur uch.

Om same mit et Prinsepaar mit te kinne zinge gaeve veur uch alvas de teks zodet geur kint oefene!

___________________________

FENNA & BASTIAAN                         (melodie Drank & Drugs)

Refrein (2x):
Es g’r gaer wilt hosse is det gein probleem,
den zingk geur mer mit mit deze hit,
en dans g’r mit Fenna en Bastiaan mit Fenna en Bastiaan.

Mit de prins en prinses allebei veurop,
zitte veur ’t Erpelepelies oppe kop.
Allemaol gesjmink en ein pekske aan,
mit z’n alle kènne veur det waal aan.

Jóngk en aad duit mit ós mit,
op dees melodie wo meziek in zit.
En ouch vors Funs is van de partie,
hae sjpringk mit alle Erpels zie aan zie.

Van al det gesjpring kriegs se ’t waal heit
en raak dien köpke flink bezjweit.
Loup den efkes nao de bar en drink dich get
mer kóm gauw truuk en doot weer mèt.

Refrein (2x)

Mit de prins en prinses allebei veurop,
zitte veur ’t Erpelepelies oppe kop.
Allemaol gesjmink en ein pekske aan,
mit z’n alle kènne veur det waal aan.

Jóngk en aad duit mit ós mit,
op dees melodie wo meziek in zit.
En ouch vors Funs is van de partie,
hae sjpringk mit alle Erpels zie aan zie.

Van al det gesjpring kriegs se ’t waal heit
en raak dien köpke flink bezjweit.
Loup den efkes nao de bar en drink dich get
mer kóm gauw truuk en doot weer mèt.

Refrein (2x)

Es g’r gaer wilt hosse     (5x)

wilt hosse           (5x)
wilt hosse…

Es g’r gaer wilt hosse

 

Oei oei eine Erpelkes blunder!

Veur zien helaas de bekendmaaking van ôzze kleur wedsjtried vergaete!!! Om ’t good te maake zien hiej de gelökkige pries winnaars.

1e plaats: mit ôppe wage in Zjwame optoch moog Isa van der Helm.

2e plaats: 4 daag gratis entree biej de Erpelkes is veur Jenna Wijnands.

3e plaats: eine super taot sjlok is gewonne door Bas de Ronde.

Veur zulle op vriedig 5 Februari de prieze aan uch oetreike. Eine sjoone vastelaovinjd biej de Erpelkes, veur zeen os dao!

In ein vol Erpelkespelies is vanaovend ’t Erpelkes Prinsepaar van 2016 oetgeroope.

Nao ein sjoon optraeje van de Plunskes oet Ruiver waar ’t eindelijk zowiet. Geheel volges tradisie waerde ’t Prinsepaar in grote Erpeletäöj vanoet achter in de zaal door de Zjwamer hooghede nao ’t podium gebrach. Deze keer waal oppe kop mit de veut baove, want ’t motto is dit jaor “Erpelkes oppe kop!”. Toen der nemus in de zakke bleek te zitte kwame ze door ’t pepier gesjpronge:

Prins Bastiaan en Prinses Fenna!

Same mit ôzze Erpelkes DJ’s Raoul en Pascal maakte ze der direk ein sjoon fees van. Bedankt allemaol!

Erpelkes Prinsepaar 2016

Jonges en maedjes. De Erpelkes organiseert ein sjoon masker kleur wedstried. Geur kint de maskers haole biej Jan linders en ze inlevere op Slabberskamp 15. Dit kint toet en mit donderdig 14 januari. De prieze zien fantastisch, namelijk:

1e Pries: mit rieje in de optocht op ozze wage.
2r Pries: gratis entree.
3e Pries: eine taot sjlok.

De winnaar waert bekend gemaakt biej et oetroope van ozze prins en prinses. Väöl succes allemaol.

____________________

Helaas zeen alle kleur plate biej de Jan Linders op. Daorom noe nog via de website te downloade:

Klik hiej veur et Erpelkes masker!

In de waek nao ut oetrope kent geur uch opgaeve veur de Erpelkes-Raod. Du kens “Raodslid veur 1 jaor” waere. Is de Prins dien beste vriendje of buurjong of is de prinses dien nichtje of zusje. Gaef dich op en maak der same met ut Prinsepaar ein sjoon vastelaovesjaor van.

Biej heel veul aanmeljingen zal ut bestuur van de Erpelkes läötjes trekke. Opgaeve ken via erpelkeszjwame@hotmail.com of via ós website www.erpelkes.nl. Zit in dien mailtje diene naam, laeftied en waorom se “Raodslid veur 1 jaor” wils waere.

Eindelik is ’t zowiet, ’t oetroope van ôzze nuuje Prins en Prinses. Zaoterdig 16 januari is ’t weer fees in de Mert in Zjwame. De zaal geit aope om 14.00 oer.

Om 16.11 oer waerd os nuuje prinsepaar aan uch veurgesjteld en auch dit jaor höbbe veur weer ein super optraeje van ôzze enige echte Miesjke!!! Om 18.00 oer sjloete veur weer aaf en den is ’t weer wachte op de vastelaovindj.

Vergaet neet veur donderdig 14 januari uch teikening in te levere op Sjlabberskamp 15, want veur make deze middig auch de pries winnaars bekend.

Wilt geer mit de vasteaovindj de Erpelkes ongersjteune als vriejwilliger? Meld uch dan aan via erpelkeszjwame@hotmail.com of de Erpelkes Facebook!

Toet zaoterdig!!!