Maandelijks archief: januari 2015

In ein vol Erpelkes pelies zeen gister Prins Sem en Prinses Eline oetgeroope als Erpelkes Prinsepaar 2015, onger ’t motto “Erpelkes waat ‘LED’ dich” gaon zie de Zjwamer kinjervastelaovend veur. Veer winse häör veul plezeer en eine sjone tied!

Prins Sem en Prinses Eline

Oetrope van ut nuuje Erpelkes Prinsepaar. Waem waere de opvolgers van Prins Ruurd en Prinses Caroline. Kom kieke in ut Erpelkespelies in de Mert aan de Mert in Zjwame. De zaal geit aope om 14.00 oer. Ut oetrope zal rondj 15.30 oer zin. Nao ut oetrope van ós nuuje prinsepaar höbbe veur ein sjoon optraeje (Roy Selder) veur uch.

In de waek nao ut oetrope kent geur uch opgaeve veur de Erpelkes-Raod. Du kens “Raodslid veur 1 jaor” waere. Is de Prins dien beste vriendje of buurjong of is de prinses dien nichtje of zusje. Gaef dich op en maak der same met ut Prinsepaar ein sjoon vastelaovesjaor van.

Bij heel veul aanmeljingen zal ut bestuur van de Erpelkes läötjes trekke. Opgaeve ken via erpelkeszjwame@hotmail.com of via ós website www.erpelkes.nl. Zit in dien mailtje diene naam, laeftied en waorom se “Raodslid veur 1 jaor” wils waere.

Waat “led” dich om in auch in 2015 weer nao de Erpelkes te komme. Mesjien höbs se geine zin? Nae, det kenne veur os neet veurstjelle. Of mesjien bös se op vakansie? Nae, waem geit der noe mit de Zjwamer-Vastelaovindj op vakansie! Nieks “led” dich om nao de Erpelkes te komme. En dit is good want auch dit jaor is der weer genóg te belaeve in de Mert. Kiek mer uns nao ós programma.

Erpelkes Programma 2015.jpg